「崩口人忌崩口碗」，現時無論社會抑或網絡好似都有太多忌諱。雖然避重就輕並非一件壞事，但事實會唔會係過份壓抑自己呢？唔能夠直接講出口嘅說話，與其鬱埋鬱埋，倒不如「請槍」用音樂嚟表達。
煉獄無門無鑰匙 六道輪迴問良知
三公九官亨通運 自行入座免過問
世上太多睇唔順眼嘅事情、睇唔順眼嘅人，不能盡錄。崩口碗往往以自己最順口嘅語言，訴說著呢啲人和事。順唔順耳，由聽眾定斷。
今次Recoroad好開心可以邀請到志同道合嘅崩口碗合作一齊出NFT，作品包括《煉獄再團聚》、《採花拆大宅》及《糟糠髮妻》。每首歌限定30隻，定價為0.023ETH。
「今次崩口碗突然重出江山，到底有乜搞作？」
「呢度無人識你呀！人起朵你起朵，你哋係咪用NFT呃錢呀？」
Recoroad完全明白大家對成個活動充滿疑問，因此我哋會詳細解釋成個計劃嘅理念同藍圖，希望減少你嘅疑慮。
你哋係乜水？點解會邀請崩口碗搞NFT？
「你哋係乜水？無人識你哋呀！」
Recoroad係由四個香港土生土長、大學樂隊學會出身嘅畢業生所創立，我哋由大學時期已經一直籌辦各類型音樂會、樂器班、獨立音樂推廣活動。NFT係幫助音樂人得到更合理嘅回報嘅工具，我哋唔希望香港只係得割韮菜同賺盲粉錢嘅NFT項目，而係可以成為音樂人可持續嘅音樂營運模式。未來我哋嘅NFT項目會聚焦喺幕後版稅分配、商業授權等供應鏈方面嘅功能，融合音樂製作與NFT，為音樂人爭取創作自主以及合理嘅收入分配，幫助佢哋重新搵到音樂作品嘅價值。希望令香港音樂NFT會變得更具實用性。
「崩口碗都休團好一段時間，突然出返嚟咪姐係cap水！」
Recoroad希望世人能認識音樂人嘅價值。無論係現役嘅，定係休團，甚至已解散，我哋都想香港音樂人嘅作品得到認同，令佢哋可以「靠音樂搵食」。為咗實踐呢個目標，「去中心化」係不可或缺嘅。我哋同崩口碗嘅成員傾談之間都了解到其實佢哋對音樂嘅熱愛一直都無改變，不過因為生活環境、人事、場地嘅問題，一直都諗緊除咗次次都要洗舊錢搞騷、再威逼利誘大家畀錢入嚟睇騷之外，仲有冇其他方法可以同觀眾有更深入嘅交流。佢哋嘅諗法同Recoroad希望將音樂融入生活嘅諗法不謀而合。於是乾柴烈火之下，我哋就走埋咗一齊❤️。
點解我要買崩口碗嘅NFT？
TL;DR Roadmap雞精版
呢次崩口碗NFT Release會以銷量劃分roadmap階段，雞精版如下：
- 20%：派發《忌》CD
- 40%：$3000 Gift Card大抽獎
- 60%：碗塊崩裂大解剖
- 80%：Recoroad NFT音樂社群
- 100%：Recoroad特約福利
第一階段：銷量達20%
Chris Wong啱啱考完DSE，無意間係indiecast.fm聽到《煉獄再團聚》。佢覺得intro段結他reggae riff好正，聽聽吓聽曬成隻《忌》專輯。當年仲係中學雞嘅Chris錯過咗崩口碗嘅album release show，依家知道崩口碗係休團狀態，甚至發現唱片門市無再補倉，但係Chris始終好想買返《忌》隻碟，咁佢有咩辦法呢？
「機會嚟喇！Chris Wong！」由2022年6月20日起，只要Chris買咗崩口碗其中一個NFT，並且銷量達到20%，Recoroad就會向NFT持有人派發《忌》CD。以前錯過咗入碟時機嘅你可以把握難得機會，收藏崩口碗嘅唯一（暫時）專輯。
第二階段：銷量達40%
「喂！我之前已經買咗崩口碗隻碟喇喎⋯⋯仲買NFT嚟抬咩！」
「少年你太年輕了🤫」當有40%嘅銷量時，Recoroad會舉辦大抽獎，有5位幸運兒可以獲得價值600港幣嘅Apple Gift Card！
崩口碗亦唔會待薄大家，崩口碗誠邀NFT持有人參加第22屆天下第一武術大會（又名：Jamming Session）切磋交流。視乎當時情況，Jamming Session會以實體或線上方式進行。
「清，唔係個個都識音樂㗎😞」
無問題！Recoroad同崩口碗考慮到每個人嘅音樂水平不盡相同，所以決定為NFT持有人提供一次免費試堂或音樂諮詢服務。一個鐘被你任學任問唔嬲！
可選內容包括：
- 結他（木結他、電結他、Ukulele）
- 低音電結他（Bass）
- 爵士鼓（Drum）
- 音樂創作
- 編曲
- 混音
- 樂理
第三階段：銷量達60% 🎶🎵
當銷量達60%，就嚟到呢次NFT發售嘅重頭劇——「碗塊崩裂大解剖」（又名：崩口碟全碟歌曲創作背景拆解大會）。
《採花拆大宅》旋律到底有乜scales？
《城下一罪》到底幾多拍？
《兵長退役鎮魂曲》到底轉咗幾多個key？
聽音樂人講創作靈感就多喇，但係聽音樂人透過音樂理論分析編曲又有冇試過？可能係全港首隊獨立樂隊理性分析自己嘅作品，由旋律音階混用、夢幻和弦大雜燴，到拍子數法引致嘅神經失常、精神分裂。碗塊崩裂大解剖講座都會一一為大家拆解，從即場示範中令你了解每首歌嘅前世今生。
第四階段：銷量達80%
「你哋都籌到旗搞座談會，個NFT咪姐係mp3！」
Recoroad非常重視每一個NFT持有人，搞完碗塊崩裂大解剖講座唔等於我哋會停止發展。當銷量去到80%，我哋會邀請音樂人同樂迷係Recoroad嘅Discord server上參與各項活動及交流。音樂人可以宣傳自己嘅音樂、週邊商品、活動、NFT、甚至進行線上快閃！
第五階段：銷量達100% 🥳🎉
Recoroad嘅終極目標，同時係我哋嘅初心，係成為音樂人同樂迷間嘅橋樑。當崩口碗NFT完售嘅時候，Recoroad會與唔同音樂相關嘅公司及組織合作，為NFT持有人爭取眾多優惠與福利。
點解我要信你哋先？
Recoroad團隊明白唔係我哋自稱份smart contract安全就代表無問題，特別係份smart contract牽涉到金錢交易。所以Recoroad就算作為一間startup公司，都無忽略安全漏洞問題。
1. 漏洞檢測與安全分析工具
幾款漏洞檢測同安全分析工具已經被整合到CI/CD嘅流程，我哋會長期監測分析結果，確保我哋份smart contract無安全隱憂。
開發階段（Development Stage）所使用嘅工具為Slither以及Mythril：
發佈階段（Deployment Stage）所使用嘅工具為MythX：
歡迎查閱已上載嘅詳細分析報告。
2. 可視化工具
我哋亦使用咗Surya生成分析報告，包括繼承圖（Inheritance Graph）、調用圖（Call Graph）同描述報告（Description Report）。
- 繼承圖
- 調用圖
- 描述報告
後記
要大眾喺呢個時世挽回對幣圈同NFT嘅信心並非易事。Recoroad希望呢次同崩口碗合作嘅NFT項目能夠成為你加入Web 3 community嘅其中一支強心針。你嘅支持能夠話俾我哋聽香港嘅NFT project都可以得到正評。
